86 TOYOTA GR عودة الأسطورة

اليوم باش نحكيو على كرهبة نسميوها "عودة الأسطورة"، في ال"CATEGORIE" متاعها، "A PART" أنها كرهبة تنتمي لشركة معروفة بارشا وقاعدة تقوي في بلاصتها في السوق التونسية ولكن يا معلم رانا نحكيو على شركة قلبت موازين القوة في عالم التصنيع، كرهبتنا اليوم يا جماعة هي الكرهبة المشهورة ال-"86 TOYOTA GR" موديل 2022

كرهبة اليوم تجينا في ال-VERSION SPORTIVE و بصراحة كيف شفتها من الأول عجبتني عالآخر ، برافو "TOYOTA"، ديما مخفلتها بال-"PERFORMANCE"

ديمة نحب نختصر وما نطولش عليكم في ال DESCRIPTION متع ال "86 TOYOTA GR" المرة هذي باش نحكيو على مميزاتها :

1- الMOTEUR هو عبارة عن 4 إسطوانات سعة 2.4 لتر "A PLAT" وفيه زادة "SYSTEME D4-S " إلي يتميز بال- INJECTION DIECTE NOUVELLE GENERATION، ال MOTEUR قوة 232 حصان وفيه COUPLE ممتاز يساوي 250 نيوتن/م، على فكرة ال MOTEUR هذا شركة "TOYOTA" خدمت عليه برشا باش وصلت للقوة هذي و هو مستوحى من ال-MOTEUR الأسطوري متاع كرهبة أسطورية و إلي هي ال "SUBARU IMPREZA"، الحاصيلو خدمة مزيانة برشا برشا

2 - ال"86 TOYOTA GR" تعمل الEXCERCICE من 0-100 كم/س في 6.3 ثواني وهنا ا-"GR 86" رجعت الأمجاد متاع الكرهبة الأسطورية متاعها وإلي اسمها "TOYOTA 86"

3 - من الحاجات إلي عجبتني زادة في ال-86 TOYOTA GR، هي ال"LOOK" متاعها، ياسر "SPORTIF" وهاو باش نقلكم، ال-"CALANDRE" ياسر طيارة وهنا "TOYOTA" بدلت في ال"FORME" متاعها و ولات أعرض بارشا من قبل، علاش، على خاطر باش تبرد ال-"MOTEUR"، زادة فما ال"LAMES" نلقاوهم تحت ال"PARE-CHOCS" وزادة "AILERON EN LAMES" و ال-"JANTES" ياسر طيارة وال-"ECHAPPEEMENTS"الزوز من تالي و هنا SURTOUT" شركة "TOYOTA" جددت وابتكرت

4 - من الداخل الكرهبة فيها LOOK سوبر رياضي، الVOLANT معمول بطريقة شبابة بارشا و- وحتى LA PLANCHE DE BORD ياسر شبابة و فيها ECRAN TFT 7 POUCES، فما حاجة شخت عليها وإلي هي ال-BOITE DE فيتاس إلي تجي بنوعٍين : الأول MANUELLE ب- 6 VITESSES والثاني AUTOMATIQUE ب-6 VITESSES زادة و معاهم الكراسي متاع ال-"YARIS GR" معملين من بطريقة مزيانة برشة، إبداع صدقوني، برافو "TOYOTA"

5 - السرعة متع ال "86 TOYOTA GR" ما زالت هبطتش، أما بش تكون في حدود ال-220 - 230 كم/س

6 - أخيراً سوم ال""86 TOYOTA GR" هو 25744 EURO يعني 90968 ألف دينار تونسي،

7 - ال"TOYOTA YARIS GR" موديل 2022، كرهبة والله طيارة، نتمنى أنو مستعملي السيارات في تونس يعملوا طلة على الكراهب اليابانية، حاجة ممتازة ومدروسة و-RAPPORT QUALITE-PRIX ممتاز جداً

مشاركتكم بآرائكم، تساهم في إثراء الصفحة وتعطيها زادة ال CREDIBILITE، ما تنساوش باش تعبروا وتكتبوا رايكم في التعاليق

إلى اللقاء في مقال قادم 

#TOYOTAPOWER #TOYOTAFAN #GR_86 #SPORT #SPOILER #BOUBLE #DIFFUSER #PERFORMANCE #COMPETITION #CARBON #FIBER #ALCANTARA #AGRESSIVE #LOOK #LED #LIGHTS #GEARBOX #DIGITAL #ULTIMATE #MODEL #JANTES #AILERON #BAS_DE_CAISSE #LAMES #ECHAPPEMENT #CHRONO #ECRAN_TFT

#THE_CENTRIUM

#Car_Hub_Tek

الكاتب  : محمد فراس أبو مسعد 

 

Car Hub Tek