MERCEDES C 63 AMG - THE GODZILLA

 

مرحبا بأحلى متابعي مدونتنا 

اليوم باش نحكيو على كرهبة نسميها "THE GODZILLA" في ال"CATEGORIE" متاعها، "A PART" أنها كرهبة معروفة بارشا و مشهورة في السوق التونسية ولكن يا معلم جات بالجديد وثورة في علم السيارات ال"SEDAN" الرياضية، كرهبتنا اليوم يا جماعة باش تشوفوها ب"PHILOSHOPHIE" جديدة وإلي هي ال"MERCEDES C 63 AMG " موديل 2022

كرهبة اليوم تجينا في الULTIMATE MODEL يعني أقوى VERSION من نوع "E-PERFOMANCE" وهي أقوى موديل من C-CLASSو هنا باش نشوفو اللعبة الكبيرة إلي عملتها MERCEDES، بصراحة أنا كيف شفتها من الأول فرحت بارشا، ببساطة صار ا"TRANSFERT DE TECHNOLOGIE"من عالم ال"FORMULA 1" للكراهب إلي نسق فيها والله حاجة جبارة و حلوة برشة صدقوني و هنا عملت الشركة ثورة كبيرة في ال-"GAMME" متاعها في سيارات ال-"SEDAN" و طارت بالمنافسين المباشرين كيما "BMW" و-"AUDI" ممتاز جداً "MERCEDES-AMG"

ديمة نحب نختصر وما نطولش عليكم في ال-DESCRIPTION متع ال- MERCEDES-AMG C 63 E PERFORMANCE المرة هذي باش نحكيو على مميزاتها :

1- المرة هذي مانيش باش نحكي على الموتور بارك خاطر فما زوز وإلي هوما واحد "THERMIQUE" هو عبارة عن 4 إسطوانات سعة 2.0 لتر وفيه زادة "ELECTRIC TURBO"، ال-MOTEUR قوت 443 حصان وفيه COUPLE ممتاز يساوي 500 نيوتن/م و ال-"MOTEUR ELECTRIQUE" يعطي من 90 حتى ل-150 كيلوواط /ساعة يعني من 121 حصان ل-201 حصان و"COUPLE" إضافي يوصل ل-320 نيوتن/م و تولي القوة الجملية شدو عندكم : 643 حصان و-820 نيوتن/م، على فكرة الSYSTEME هذا شركة MERCEDES جابتو من ال-"FORMULA 1" وعاونوها جماعة PETRONAS AMG FORMULA ONE TEAM خدموا عليه برشا باش وصل للقوة هذي و أنا شخصياً ال-MOTEUR عجبني برشة من حيث ال COUPLE إلي قريب برشا من ال-COUPLE متاع ال-MERCEDES E 63 S موديل 2021، يامي الحنينة ملا كرهبة يا جماعة شي كبير يا عمري أنا الكرهبة هذي تخليني نركز مليح مع المستقبل والي جاي من بعد وهنا بارشا تغيرات قادمة

2 - الMERCEDES-AMG C 63 E PERFORMANCE تعمل الEXCERCICE من 0-100 كم/س في 3.5 ثواني وهنا هربت الكرهبة من برشة منافسين كيما، AUDI RS3 و ال-BMW M3 COMPETITION وبارشا كراهب اخرين

3 - من الحاجات إلي عجبتني زادة في ال-MERCEDES-AMG C 63 E PERFORMANCE، هي ال-"LOOK" متاعها، ياسر "SPORTIF" وهنا تفكرني برشة ب LOOK متاع ال S-CLASS و باش نقلكم إلي أنا نسميها الBABY S، ال"CALANDRE" ياسر طيارة وهنا "MERCEDES" بدلت في ال-"FORME" متاعها و ولات أعرض بارشا من قبل، علاش، على خاطر باش تبرد ال-"MOTEUR"، زادة فما ال-"LAMES" نلقاوهم تحت ال-"PARE-CHOCS" وزادة "AILERON EN LAMES" و ال"JANTES" ياسر طيارة وال-"ECHAPPEEMENTS" الأربعة و "SURTOUT" ال-"DOUBLE DIFFUSUER"، وزادة فما بارشا جديد المرة هذي، كما زادة ميّزة ال-DIFFERENTIEL إلي ولا من الخلف بش يعمل BALANCE للكرهبة و يخليها متوازنة في الكياس، وإلي تعزّز التوازن بين راحة القيادة اليومية وقدرات الأداء العالي على الحلبات ، و هنا استفادت بارشا MERCEDES من نجاحاتها في ال"FORMULA ONE" و ال "CIRCUIT" و باش نختمو بال-"CARBON FIBER" إلي موجود في بارشا بلايص في الكرهبة

4 - باش نحكيو شويا على الجانب الELECTRIQUE إلي في الكرهبة، EN FAIT الMOTEUR ELECTRIQUE فيه BATTERIE الشحنة متاعها 6.1 كيلواط/ساعة متكونة من LI-ION فيها 560 قطعة وخفيفة برشة مقارنةً بالمنافسين، الBATTERIE توزن 89 كغ وكيما قلنا هذا ثمرة الTECHNOLOGY TRANSFER إلي صار من الFORMULA ONE للسيارة متاعنا، نزيدكم زيادة انو ال-MOTEUR ELECTRIQUE فيها 2 vitesses عبارة على BOITE DE VITESSE، شيء كبير يا عمري، الBATTERIE تتحمل سخانة 45 درجة مئوية ماغير ما تخسر أي نسبة من القوة متاعها، بإختصار كينك في كرهبة FORMULA ONE وإلا الHYPERCAR المسمات AMG PROJECT 1, يا بمبك وشد عندك أنا نراها الضربة القاضية للمنافسين

5 - من الداخل الكرهبة فيها LOOK هايل وNOUVELLE VERSION وهنا أبدعت الشركة، ملا INTERIEUR كما الS-CLASS الVOLANT معمول بطريقة شبابة بارشا و- وحتى LA PLANCHE DE BORD كلها DIGITAL و HAND TOUCH و تعطي VIE A BORD خيالية، فما حاجة شخت عليها وإلي هي ال-SONO متاع ال-C-CLASS إلي باش نحكيو عليها في الحلقة القادمة، ال-BOITE DE VITESSE إلي هي "BOITE AUTO" من 9 سرعات و، إلي باش نحكيو عليها في الحلقة القادمة زادة, الكراسي متاع ال"C 63 E PERFORMANCE" إبداع صدقوني و زادة هنا لعبت "MERCEDES" برشة على ال-"GAIN DE POIDS" في الكرهبة هذي ونجحت بارشا

6 - الMERCEDES AMG C 63 E PERFORMANCE، كرهبة أسطورية، نستنى فالمنافسين آش نوة باش يعملوا قدام ها ال"GODZILLA" إلي ورا انو منافس و حش بكل للكلمة من معنى، نحكي على "AUDI" و"BMW"

مازلنا بش نحكيو على الMERCEDES AMG C 63 E PERFORMANCE في حلقة أخرى، إستناونا خاطر برشة جديد جاي زادة

#MERCEDES #C63_ #AMG #E_PERFORMANCE #BLACKWING #SPORT #SPOILER #BOUBLE #DIFFUSER #HYBRID #BATTERY #DIFFERENTIAL #TECHNONLOCY #TRANSFER #FORMULA_1 #COMPETITION #CARBON #FIBER #ALCANTARA #TWIN #TURBO #AGRESSIVE #LOOK #LED #LIGHTS #GEARBOX #DIGITAL #ULTIMATE #MODEL

#THE_CENTRIUM

#Car_Hub_Tek

الكاتب  : محمد فراس أبو مسعد 

 

Car Hub Tek