MASERATI GIBLI HYBRID GRANSPORT 2021

2021 MASERATI GIBLI HYBRID GRANSPORT

The Centrium مرحبا بأحلى متابعي مدونة 🏁

🏁اليوم باش نحكيو على كرهبة أنا نسميها "THE ZEU'S TRIDENT" في ال-"CATEGORIE" متاعها، "A PART" أنها كرهبة معروفة بارشا و منتمية لواحدة من أعضم شركات السيارات في العالم واكي هي "FERRARI" وإلي عملت ثورة في عالم السيارات السوبر رياضية وهنا نحكيو على شركة "MASERATI" إلي يا معلم جات بالجديد في علم السيارات ال-"SEDAN" الرياضية، كرهبتنا اليوم يا جماعة باش تشوفوها ب-"PHILOSHOPHIE" جديدة وإلي هي ال-"MASERATI GHIBLI HYBRID " موديل 2021

🏁كرهبة اليوم تجينا في ال-HYBRID MODEL وزادة في ال-"FINITION GRAN SPORT" و هنا باش نشوفو اللعبة الكبيرة والخبث إلي عملتها MASEERATI، بصراحة أنا كيف شفتها من الأول فرحت بارشا، ببساطة صار ال-"TRANSFERT DE TECHNOLOGIE"من عالم ال-"FORMULA 1" إلي تعمل فيه "FERRARI" من خلال النجاحات متاعها والجوائز السنوية إلي كل عام تاخو فيها و تبرتاجي فيها مع أختها MASERATI، والله حاجة جبارة و حلوة برشة صدقوني و هنا عملت الشركة ثورة كبيرة في ال-"GAMME" متاعها في

🏁أنا ديمة نحب نختصر وما نطولش عليكم في ال-DESCRIPTION متع ال-MASERATI GHIBLI HYBRID المرة هذي باش نحكيو على مميزاتها : 🏁1- الموتور إلي هو عبارة عن 4 إسطوانات سعة 2.0 لتر ومعاه "ال-MOTEUR ELECTRIQUE" عبارة على"E-BOOSTER" لاصق في ال-"MOTEUR" وزادة فما "BATTERIE" ب-48 فولت يعطيو قوة "COMBINEE" ب-330 حصان وفيه COUPLE ممتاز يساوي 450 نيوتن/م.

ال"TECHNOLOGIE" هذي أول مرة تتحط في كرهبة إيطالية وخاصةً "MASERATI" وإلي خلاتها "ECONOMIQUE" برشة وتمشي بارشا كيلومترات وفي "NON OFFICIAL TEST" بالامارات العربية المتحدة وصلت لمسافة قدرها 1320 كم، حاجة هايلة والله وخاصة أنها تتماشى مع السوق التونسية إلي الكراهب إلي تستهلك برشة بنزين ماهيش محبوبة برشا، أنا نقول ضربة معلم من عند MASERATI المرة هذي

🏁2 - ال-MASERATI GHIBLI HYBRID تعمل ال-EXCERCICE من 0-100 كم/س في 5.7 ثواني وو هذي حاجة باهية برشة كيف نشوفو الوزن متع الكرهبة و زادة الحجم الصغير متاع ال-"MOTEUR" متاعها، و نجمو نقولو إلي ال-"GHIBLI HYBRID"تفوقت على أقرب المنافسين متاعها كيما "JAGUAR XF" و-"VOLVO S90" إلي يقربولها برشا 🏁3 - من الحاجات إلي عجبتني زادة في ال-MASERATI GHIBLI HYBRID، هي ال-"LOOK" متاعها، ياسر "SPORTIF" وهنا تفردت ال-"GHIBLI" ب "LOOK SUPERSPORTIF"متاع ال-"" ياسر طيارة وهنا "MASERATI" بدلت في ال-"FORME" متاعها و ولات أعرض بارشا من قبل، علاش، على خاطر باش تبرد ال-"MOTEUR"، زادة فما ال-"LAMES" نلقاوهم تحت ال-"PARE-CHOCS" وزادة "AILERON EN LAMES" و ال-"JANTES" ياسر طيارة.

ال-"ECHAPPEEMENTS" الأربعة وزادة فما بارشا جديد المرة هذي، كما زادة ميّزة ال-DIFFERENTIEL إلي ولا من الخلف بش يعمل BALANCE للكرهبة و يخليها متوازنة في الكياس، وإلي تعزّز التوازن بين راحة القيادة اليومية وقدرات الأداء العالي على الحلبات ، و هنا استفادت بارشا MASERATI من نجاحات الشقيقة الكبرى FERRARI في ال-"FORMULA ONE" و ال- "CIRCUIT" و إلي مكنت ال-"GHIBLI" باش تاخو الصبغة الرياضية مع المحافظة على البيئة، ال-"GHIBLI" تجينا في زوز "FINITIONS" إلي هوما ال-"GRAN SPORT" إلي كنا نحكيو عليها وزادة ال-"GRAN LUSSO" إلي نعتبرها ال-"HAUT DE GAMME" متاع MASERATI

🏁4 - من الداخل الكرهبة فيها LOOK هايل و-NOUVELLE VERSION وهنا أبدعت الشركة، ملا INTERIEUR كيما أي كرهبة إيطالية وخاصةً MASERATI إلي تمثل ال-"HAUT DE GAMME" متاع الصناعة الإيطالية ال-VOLANT معمول بطريقة شبابة بارشا و- وحتى LA PLANCHE DE BORD كلها DIGITAL و HAND TOUCH و تعطي VIE A BORD خيالية و زادة وجود برشة "CUIR HAUT DE GAMME" من داخل.

فما حاجة أخرى شخت عليها وإلي هي ال-SONO ، ال-BOITE DE VITESSE إلي هي "BOITE AUTO" من 8 سرعات, الكراسي متاع ال-"GHIBLI" إبداع صدقوني و زادة هنا لعبت "MASERATI" برشة على ال-"ESTHETIQUE" من البرا و من الداخل زادة في الكرهبة هذي ونجحت بارشا

🏁5 - ال-MASERATI GHIBLI HYBRID، كرهبة والله "MYTHIQUE" و إلي تنجم تقتحم السوق التونسية بإمتياز وتساهم في تنوع العرض و توجه المستهلكين التوانسة إلى نوع جديد من الكراهب إلي ماهيش معروفة برشة في السوق التونسي

🏁6 - ال-MASERATI GHIBLI HYBRID سومها بفلوس تونس 900 544 دينار وهذا من غير ديوانة أعزائي باش تعرفوا ال-"CATEGORIE" و ال-"CALIBRE" متاع الكرهبة هادي

🏁مشاركتكم بآرائكم، تساهم في إثراء الصفحة وتعطيها زادة الCREDIBILITE،

#MASERATI #GHIBLI BOOSTER#E_ #E_PERFORMANCE #GRANSPORT #BOUBLE #DIFFUSER #HYBRID #BATTERY #DIFFERENTIAL #TECHNONLOCY #TRANSFER #FORMULA1 #COMPETITION #LEATHER #CARBON #FIBER #ALCANTARA #TWIN #TURBO #AGRESSIVE #LOOK #LED #LIGHTS #GEARBOX #DIGITAL #ULTIMATE #MODEL #AWD #RWD #BREMBO #DOWNSIZING #JANTES #AILERON #BAS_DE_CAISSE #LAMES #ECHAPPEMENT #CHRONO #AILERON #THE_CENTRIUM #Car_Hub_Tek

الكاتب : محمد فراس أبو مسعد

Car Hub Tek