LEXUS IS 500 F SPORT PERFORMANCE - The SAMURAI

 

 

مرحبا بأحلى متابعي المدونة ، بعد ما حكينا في المقال السابق على عودة الاسطورة 86 TOYOTA GR

اليوم باش نحكيو على كرهبة نسميها "THE SAMURAI"، في ال"CATEGORIE" متاعها، "A PART" أنها كرهبة تنتمي لشركة تابعة لشركة "TOYOTA" إلي قلبت موازين القوة في عالم التصنيع، كرهبتنا اليوم يا جماعة تجينا من شركة أنا نحبها برشا وزادة نتبع فيها من عام 1996وإلي هي "LEUXS" وال"MODELE" الكرهبة المشهورة "IS 500 F SPORT PERFORMANCE" موديل 2022 ب"LIMITED EDITION"

كرهبة اليوم تجينا في ال"VERSION SPORTIVE" و بصراحة كيف شفتها من الأول عجبتني عالآخر ، برافو "LEXUS"، ديما مخفلتها بال"PERFORMANCE" وبال"TECHNOLOGIE" زادة

أنا ديمة نحب نختصر وما نطولش عليكم في ال"DESCRIPTION" متع ال IS 500 F" المرة هذي باش نحكيو على مميزاتها :

1- الMOTEUR هو عبارة عن 8 إسطوانات سعة 5.0 لتر قوته 472 حصان وفيه COUPLE ممتاز يساوي 535 نيوتن/م، على فكرة الMOTEUR هذا شركة "LEXUS"، الموتور هذا بقى موجود من ال"MODELES" السابقين متاع ال"IS F" يفكرني برشا بالMOTEURS AMERICAINS إلي فيم بارشا "COUPLE" وعملتلو شوية "IMPROUVMENTS" وفيه صوت إبداع صدقوني، نفس الشركة إلي عملت الكرهبة الي أنا نعشق صوت الMOTEUR متاعها وإلي هي "LEXUS LFA" الحاصيلو أنا متأكد إلي خدمة الشركة اليابانية تخدم في خدمة مزيانة برشا برشا

2 - ال"IS 500 F" تعمل الEXCERCICE من 0-100 كم/س في 4.5 ثواني وهنا ال- "IS 500 F" بقات محافظة على الأمجاد متاعها في الكراهب "SPORT PERFORMANCE"

3 - من الحاجات إلي عجبتني زادة في ال"IS 500 F"، هي ال"LOOK" متاعها، ياسر "SPORTIF" وهاو باش نقلكم، ال"CALANDRE" ياسر طيارة وهنا "LEXUS" بدلت في ال"FORME" متاعها و ولات أعرض بارشا من قبل، علاش، على خاطر باش تبرد ال"MOTEUR" الكبير متاعها، زادة فما ال"LAMES" نلقاوهم تحت ال-"PARE-CHOCS" وزادة "AILERON EN LAMES" و ال"JANTES" ياسر طيارة وال"ECHAPPEEMENTS" إلي جايين بطريقة ORIGINALE وإلي هما فوق بعضهم و ال"DISQUES DE FREINS" إلي قياسهم 355 مم من قدام و- 305 مم من تالي هنا SURTOUT" شركة "LEXUS" جددت وابتكرت

4 - من الداخل الكرهبة فيها LOOK سوبر رياضي، الVOLANT معمول بطريقة شبابة بارشا و وحتى LA PLANCHE DE BORD ياسر شبابة و فيها ECRAN TFT 7 POUCES، فما حاجة شخت عليها وإلي هي الBOITE DE VITESSE تجي ب- 8 VITESSES و إلي تساهم باش تخرج اقصى PUISSANCE ممكنة وزادة تقلل من إستهلاك الوقود و معاهم الكراسي متاع ال""IS 500 F" معمولين من بطريقة مزيانة برشة، إبداع صدقوني، برافو "TOYOTA"

5 - السرعة متع ال""IS 500 F" تكون في حدود ال-270 - 280 كم/س وممكن تفوت 300 كم/س نستناو شركة "LEXUS" باش تفصح عن السرعة متاع ال"IS 500 F"

6 - أخيراً سوم ال""IS 500 F" هو 58000 EURO يعني 191800 ألف دينار تونسي، وهذا ماغير ديوانة

7 - ال"IS 500 F" موديل 2022، باش تكون "LIMITED EDITION" وإلي الشركة اليابانية باش تنتج منها كان 500 كرهبة بارك وهنا نجمو نفهمو القوة وال-ESPRIT متاع "LEXUS" إلي خرجت كرهبة والله طيارة، أنا نتمنى مرة أخرى أنو مستعملي السيارات في تونس يعملوا طلة على الكراهب اليابانية، حاجة ممتازة ومدروسة و-RAPPORT QUALITE-PRIX ممتاز جداً

مشاركتكم بآرائكم، تساهم في إثراء المقالات وتعطيها زادة ال CREDIBILITE، ما تنساوش باش تعبروا وتكتبوا رايكم في التعاليق

إلي اللقاء في المقال القادم

المصدر : https://autonxt.net/

#LEXUS #IS_500_F #SPORT #LAUNCH #LIMITED #EDITION #SPOILER #BOUBLE #DIFFUSER #PERFORMANCE #COMPETITION #CARBON #FIBER #LEATHER #AGRESSIVE #LOOK #LED #LIGHTS #GEARBOX #DIGITAL #ULTIMATE #MODEL #JANTES #AILERON #BAS_DE_CAISSE #LAMES #ECHAPPEMENT

#THE_CENTRIUM

#Car_Hub_Tek

الكاتب  : محمد فراس أبو مسعد 

 

Car Hub Tek